महेश सिंह सिरहा- जनमत पार्टी सिरहाले जिल्लामा संगठनात्मक सुदृढीकरणका लागि पवन कुमार यादवलाई जिल्ला सूचना प्रमुखको जिम्मेवारी सर्वसम्मत रूपमा निर्णय गरेको छ। सिरहा सदरमुकामस्थित डिलाईटेड होटल शिव चौकमा बसेको बैठकले यादवलाई जिम्मेवारी तोक्दै जिल्ला तहमा सूचना, समन्वय तथा संचार व्यवस्थापनलाई व्यवस्थित बनाउने अपेक्षा व्यक्त गरेको छ।
बैठकमा आगामी मंसिर २२ गते हुने जिल्ला प्रशिक्षण कार्यक्रमको तयारीबारे समेत व्यापक छलफल भएको थियो। जनमत पार्टीका केन्द्रीय अध्यक्ष माननीय डा. सिके राउतको प्रमुख आतिथ्य रहने उक्त प्रशिक्षण कार्यक्रम सफल बनाउन जिल्लाका सम्पूर्ण नेता तथा कार्यकर्ताहरूलाई सक्रिय सहभागिताका लागि आह्वान गरिएको जनाइएको छ।
बैठकका सहभागीहरूले प्रशिक्षण कार्यक्रमले संगठनलाई अझ संयोजन, क्षमता अभिवृद्धि तथा कार्यदिशा स्पष्ट पार्ने विश्वास व्यक्त गरेका छन्।
जनमत पार्टी सिरहाका अनुसार, नियुक्त सूचना प्रमुख यादवले जिल्लामा पार्टीको आधिकारिक सूचना प्रवाह, जनसम्पर्क तथा कार्यक्रम व्यवस्थापनलाई थप प्रभावकारी बनाउने लक्ष्य राखिएको छ।
Discussion about this post