गोलबजार नगरपालिकामा सुरक्षित खानेपानीका लागि पानी परीक्षण ल्याब सामग्री हस्तान्तरण

महेश सिंह लहान सिरहा- तराई क्षेत्रमा सुरक्षित पेयजल पहुँच सुधार गर्ने उद्देश्यसहित सबल नेपालले German Cooperation/VCA/WHH को साझेदारीमा सञ्चालित Up Scaling WASH System Strengthening Approach in the Tarai Region of Nepal (1082–22) परियोजनाअन्तर्गत गोलबजार नगरपालिकालाई पानी परीक्षण ल्याब सामग्री हस्तान्तरण गरेको छ।

मङ्सिर १५ मा नगर कार्यपालिका कार्यालयमा आयोजित कार्यक्रममा परियोजना संयोजक द्वारिका प्रसाद घिमिरेले सामग्रीहरू नगर उपप्रमुख मान्ती कुमारी साहलाई हस्तान्तरण गरे। हस्तान्तरण समारोहमा नगरका जनप्रतिनिधि तथा सरसफाइ तथा खानेपानी सम्बन्धी अधिकारीहरूको सहभागिता थियो।

सबल नेपालका अनुसार, हस्तान्तरण गरिएको सामग्री स्थानीय तहमा पानीको गुणस्तर निगरानी, परीक्षण र नियन्त्रणलाई सुदृढ गर्दै समुदायलाई सुरक्षित खानेपानी उपलब्ध गराउन दीर्घकालीन रूपमा प्रभावकारी हुनेछ।

हस्तान्तरण भएका प्रमुख सामग्री :

Refrigerator (188 L) – 1 थान

Measuring Cylinder (250 ml) – 2 थान

Ice Box (Medium) – 1 थान

Ice Box (Handy) – 1 थान

Sample Bottle (500 ml) – 25 थान

Digital Autoclave – 1 थान

Portable Arsenic Test Device – 1 सेट

नगर उपप्रमुख साहले सबल नेपाल र साझेदार संस्थाप्रति आभार व्यक्त गर्दै ल्याब सञ्चालनका लागि आवश्यक थप उपकरण नगरपालिका तर्फबाटसमेत व्यवस्थापन गरिने बताइन्।

उनका अनुसार ल्याब सञ्चालनसँगै नगरवासीले वैज्ञानिक तरिकाले परीक्षण भएको सुरक्षित पेयजल पाउने अपेक्षा गरिएको छ। सबल नेपालले सरसफाइ तथा खानेपानी पूर्वाधारमा स्थानीय सरकारसँगको सहकार्यलाई दिगो र परिणाममुखी बनाउन आगामी दिनमा पनि निरन्तर सहकार्य जारी राखिने जनाएको छ।