महेश सिंह सिरहा –छठ पर्व तथा कार्तिक पूर्णिमाको अवसर पारेर नरहा गाउँपालिकामा जेनजी समूहका युवाहरूले सरसफाइ, वृक्षारोपण तथा शुभकामना आदान–प्रदान कार्यक्रम सम्पन्न गरेका छन्।
स्वच्छ वातावरण र वातावरणीय संरक्षणको सन्देशसहित आयोजित उक्त कार्यक्रममा गाउँका सडक, सार्वजनिक स्थल र मन्दिर वरपरको सरसफाइ गरिएको थियो। साथै, हरियाली बढाउने उद्देश्यले विभिन्न प्रजातिका बिरुवाहरू पनि रोपिएका छन्।
“हाम्रो उद्देश्य वातावरणलाई स्वच्छ राख्दै समाजमा सकारात्मक सोच फैलाउनु हो,” जेनजी समूहका एक सदस्यले बताए। युवाहरूले “पर्यावरण जोगाऔं, स्वच्छता अपनाऔं” भन्ने नारासहित अभियानलाई निरन्तरता दिने प्रतिवद्धता जनाएका छन्।
स्थानीय बासिन्दाहरूले युवाहरूको सक्रियता र सामुदायिक भावनाको प्रशंसा गर्दै यस्ता पहलले गाउँलाई सुन्दर र स्वस्थ बनाउने विश्वास व्यक्त गरेका स्थानीय समाजसेवी बिजय कुमार यादवले जनाए।
Discussion about this post