बेल्ही युथ क्लबको ७औं वार्षिकोत्सव तथा लक्ष्मीपूजा महोत्सव

महेश सिंह लहान- बलान-बिगुल गाउँपालिका–४, बेल्हीस्थित बेल्ही युथ क्लबको ७औं वार्षिकोत्सव तथा लक्ष्मीपूजा महोत्सवको अवसरमा आयोजना गरिएको पालिका स्तरीय शैक्षिक हाजिरीजवाफ प्रतियोगिता निष्पक्ष र सफलतापूर्वक सम्पन्न भएको छ।

कार्यक्रममा सहभागी विद्यालयहरूबीच कडा प्रतिस्पर्धा भएको थियो। परिणामअनुसार माध्यमिक विद्यालय सेहरा, रौतहटले ८.५ अंकसहित प्रथम स्थान हासिल गरेको छ।
त्यस्तै, माध्यमिक विद्यालय मौवाहा र माध्यमिक विद्यालय रामनगर कोदरकटीले समान ७.५ अंकसहित दोस्रो स्थानमा बराबरी गरेका छन्।
माध्यमिक विद्यालय बेल्हीले ६ अंक, आधारभूत विद्यालय बेल्हीले ६.५ अंक, र माध्यमिक विद्यालय मल्हनियाले ५ अंक प्राप्त गरेका छन्।

अंक बराबरी भएका विद्यालयबीच पुनः भिडन्त गराई अन्तिम नतिजा सार्वजनिक गरिने क्लबले जनाएको छ।
कार्यक्रममा स्थानीय जनप्रतिनिधि, शिक्षक, विद्यार्थी, अभिभावक तथा समाजसेवीहरूको उत्साहपूर्ण सहभागिता थियो।

आयोजक बेल्ही युथ क्लबका पदाधिकारीहरूका अनुसार, यस कार्यक्रमको उद्देश्य युवा-विद्यार्थीहरूमा शैक्षिक प्रतिस्पर्धा, आत्मविश्वास र सिर्जनशीलता विकास गर्नु रहेको छ। कार्यक्रम सफल बनाउन सहयोग गर्ने सबैलाई क्लबले धन्यवाद ज्ञापन गरेको छ।