लहानमा जेन्जिज आन्दोलनको समर्थनमा विद्यार्थीहरुको प्रदर्शन, काठमाडौंमा १९ जनाको मृत्यु

महेश सिंह सिरहा –जेन्जिज आन्दोलनको समर्थनमा सिरहाको लहानका युवा विद्यार्थीहरु आन्दोलित भएका छन्। उनीहरुले पूर्व–पश्चिम राजमार्गमा टायर बाल्दै प्रधानमन्त्रीको राजीनामाको माग गरेका छन्।
लहान, गोलबजार, मिर्चैया र नवराजपुर क्षेत्रमा आन्दोलन तीव्र बनेको छ। आन्दोलनकारीहरुले प्रदर्शनलाई निरन्तरता दिने बताएका छन्। उनीहरु सरकारको रवैया अस्वीकार्य भएको भन्दै आन्दोलनलाई थप सशक्त बनाउने चेतावनी दिएका छन्।
यसैबीच काठमाडौंमा आन्दोलनकै क्रममा हालसम्म १९ जना आन्दोलनकारीको राज्य तर्फबाट गोली प्रहारमा मृत्यु भएको पुष्टि भएको छ। यो घटनाले आन्दोलनलाई झनै चर्काएको छ।
लहान नगरपालिका क्षेत्रमा पनि आगजनी हुने प्रवल सम्भावना रहेको भन्दै स्थानीय प्रशासन सतर्क बनेको छ। सुरक्षा निकायलाई उच्च सतर्कतामा राखिएको छ भने अनावश्यक भिडभाड नगर्न स्थानीयलाई आग्रह गरिएको छ।

,