समृद्धि, सुशासन र समानताको लागि महिलाको अग्रसरता, महाधिवेशन भव्य हुदै

महेश सिंह लहान – संविधान, सुशासन र समृद्धिका लागि महिला सहभागिता आवश्यक रहेको सन्देशसहित समाजवादी महिला संघ, नेपालले आफ्नो पहिलो ऐतिहासिक राष्ट्रिय महाधिवेशन आयोजना गरेको छ।
२०८२ वैशाख २७ र २८ गते बिहान ११ बजे महेन्द्रनिधि साँस्कृतिक भवन, जनकपुरमा हुने महाधिवेशनलाई भव्य र ऐतिहासिक बनाउन तयारी तीव्र पारिएको छ। संघका केन्द्रीय समिति सदस्यहरूले यस कार्यक्रमलाई सफल पार्न सम्पूर्ण तयारी अन्तिम चरणमा पुर्याएको जानकारी दिएका छन्।
महाधिवेशनमा उपप्रधानमन्त्री तथा पार्टीका केन्द्रिय अध्यक्ष उपेन्द्र यादवको समेत उपस्थिति रहने छ। महिला संघकी सिरहा जिल्ला अध्यक्ष जानकी यादव  ले जानकारी दिनुभयो।अन्य वरिष्ठ नेताहरूको पनि उपस्थिति रहने अपेक्षा गरिएको छ।
संघका नेतृहरूले महिलाको हक–अधिकार सुनिश्चित गर्न र लैंगिक समानता कायम गर्न संघले निर्णायक भूमिका खेल्ने बताउँदै महाधिवेशनबाट नयाँ कार्यदिशा तय गरिने जनाएका छन्।
कार्यक्रमलाई सफल पार्न समाजवादी महिला संघ केन्द्रीय समितिले सबै सदस्य,समर्थक र शुभेच्छुकहरूलाई हार्दिक अनुरोध गरेको छ।