सिरहा – मिटर ब्याजी बिन्देश्वर साह तेलीले स्थानीय छिमेकी शंकर पंडित कुमहाल लाई उठिबास बनाएका छन्।आर्थिक अवस्था कमजोर रहेका पंडित तिलाठिकोईलारी गाउँपालिका ५ बनरझुलाको बिन्देश्वर साह तेलि संग राजीनामा पास गरेर २०७१ सालमा ९५ हजुर रुपैयाँ ऋण लिएको पंडितलाई मिटर ब्याजी साहले चक्रबर्ती ब्याज जोडेर ६ लाख ३५ हजार बनाएका छन्।
स्थानीय समाज सेवीहरुको रोहबरमा पटकपटक छलफल गर्न बैठक बस्दा ऋणी शंकर पंडितले समाजलाई ६ लाख ३५ हजार रुपैयाँ जिम्मा लगाएका थिए।
मिटर ब्याजी बिन्देश्वर साह तेलीले समाजको बिचमा ६ लाख ३५ हजार दियो भने जग्गा फिर्ता गर्ने सहमत र मन्जुर भएका उनले पछी समाजले पैसा दिन लाग्दा समाजको कुरा समेत नमानेको र जवान गुमाएर राजबिराज अदालतमा जग्गा किचौला मुद्दा दर्ता गराई घर खाली गर्न विभिन्न मानसिक यातना र धम्की दिने गरेको पीडितले दु:ख व्यक्त गरेका छन्।
आर्थिक अवस्था निकै कमजोर रहेको पंडित हार गुहार गरे पनि जग्गा फिर्ता गर्न बिन्देश्वर साहले नमानेको र अदालतबाट असोज महिना भित्र घर खाली गर्न मानसिक यातना दिदै आएको छ।
ऋणि पंडितलाई श्रीमती १ एउटा छोरा र २ छोरी रहेका छन्। आर्थिक अवस्था निकै कमजोर रहेका उनले ज्याला मजदुरी गरी जेन तेन घर परिवार चलाउने गरेका छन्।
१ कठा घडेरी मात्र रहेको उनलाई मिटर ब्याज बिन्देश्वर साह तेलिले उक्त घडेरी समेत राजीनामा पास गराएर अदालतबाट फुसको छानो भएको घर खाली गर्न लगाउदा पीडित पंडितलाई सुकुम्बासी बनाएका छन्।
जग्गा फिर्ता गरेन भने आफुलाई आत्महत्या बाहेक कुनै विकल्प नरहेको पत्रकारहरुसंग कुरा गर्दै यस्तो कुरा सुनाएका छन्। महाजन साहलाई अलि पनि मानवता नदेखिएको समाजका अगुवाहरुले बताए।
मिटर ब्याज तथा ठगी विरुद्ध किसान मजदुर संघर्ष समिति नेपालका सप्तरी जिल्ला अध्यक्ष बिरेन्द्र कुमार सिंह उपाध्यक्ष बिजय चौधरी केन्द्रिय सदस्य पुनिता चौधरी श्रमिक फोर्सको सप्तरी जिल्ला संयोजक शिव चन्द्र लेखी,मिथिला कमान्डका अध्यक्ष सुर्य नारायण मंण्डल,लक्ष्मी चौधरी लगायतका संघर्ष समितिका अगुवाहरुको प्रदर्शन कार्यक्रममा उपस्थिति रहेको थियोे।
साहु महाजन चोर छ गलि गलीमा सोर छ लगायत दर्जनौं नारा सहित घर कब्जा गरी संघर्ष समितिले कब्जा गरेका छन्। झणडामा केहि भयो भने संघर्ष समितिले साहुलाई कानुनी कठघरामा उभ्याउने चेतावनी दिएका छन्। संघर्ष समितिका अनुसार समाजबाट शोषक सामन्तीलाई लखेटनु पर्ने बताए।
Discussion about this post