महेश सिंह लहान सिरहा-श्री राष्ट्रिय सेवा दलद्वारा सञ्चालित सि.सि.सि. २० सिनियर डिभिजन अन्तर्गत सप्तरी जिल्लास्थित गोबर्द्धन बैरागी जनता माध्यमिक विद्यालय, फत्तेपुरमा सञ्चालन भइरहेको एन.सि.सि. तालिममा सहभागी क्याडेटहरूको निरीक्षण तथा अन्तरक्रिया कार्यक्रम सफलतापूर्वक सम्पन्न भएको छ।
मिति २०८२ साल पुस २ गते आयोजित उक्त कार्यक्रममा एन.सि.सि. अल्मुनाई एसोसिएशन नेपाल, मधेश प्रदेशका सचिव लक्ष्मण शर्मा तथा सामान्य शिक्षक कमलकान्त चौधरीको विशेष उपस्थिति रहेको थियो।
कार्यक्रमका क्रममा क्याडेटहरूको अनुशासन, तालिमप्रतिको सक्रियता, अभ्यासको स्तर तथा नेतृत्व क्षमताको अवलोकन गरिएको थियो। साथै क्याडेटहरूसँग प्रत्यक्ष अन्तरक्रिया गर्दै उनीहरूका अनुभव, चुनौती र अपेक्षाबारे समेत छलफल गरिएको थियो।
उपस्थित अतिथिहरूले एन.सि.सि. तालिमले विद्यार्थीहरूमा अनुशासन, नेतृत्व विकास, राष्ट्रप्रेम र सेवाभाव अभिवृद्धि गर्न महत्वपूर्ण भूमिका खेलेको उल्लेख गर्दै तालिमलाई अझ प्रभावकारी बनाउँदै लैजानुपर्नेमा जोड दिएका थिए।
विद्यालय प्रशासनले यस्तो किसिमको निरीक्षण तथा अन्तरक्रिया कार्यक्रमले क्याडेटहरूमा थप उत्साह र जिम्मेवारीबोध बढ्ने विश्वास व्यक्त गरेको छ। कार्यक्रमले एन.सि.सि. तालिमको गुणस्तर सुधारमा सकारात्मक योगदान पुर्याउने अपेक्षा गरिएको छ।
Discussion about this post