पुष्कर खड्का रामेछाप । काठमाडौंबाट चौतारा तर्फ आउँदै गरेको कार सिन्धुपाल्चोकमा दुर्घटना भएको छ ।
बा ४ च ५६ ७७ नम्बरको सुजुकी कार सिन्धुपाल्चोकको चौतारा साँगाचोकगढी नगरपालिका वडा नम्बर ११ पोखरीस्थित चौतारा बन्देउ सडकखण्डमा दुर्घटना भएको हो ।
कार दुर्घटना हुँदा दोलखाका दुई सहित ४ जना घाइते भएका छन् । दुर्घटनामा परी घाइते हुनेमा दोलखाको भीमेश्वर नगरपालिका वडा नम्बर २ का २८ वर्षिय सोनाम तमाङ, २२ वर्षिय राजेश तमाङ र सिन्धुपाल्चोकको इन्द्रावती गाउँपालिका वडा नम्बर २ का ४२ वर्षिय बसन्त गिरी र प्रतिमा गिरी घाइते भएको सिन्धुपाल्चोकका प्रहरी प्रवक्ता प्रहरी नायव उपरीक्षक डिएसपी शिव बुढाथोकीले जानकारी दिनुभयो ।
डिएसपी बुढाथोकीले दिएको जानकारी अनुसार दुर्घटनामा परी घाइते हुनेहरुको काभ्रेको धुलिखेल अस्पतालमा उपचार भइरहेको बताउनु भयो । कार सडकबाट करिब १ सय ५० मिटर तल खसेको प्रहरीले जनाएको छ ।
Discussion about this post