महेश सिंह लहान – नेपाल कुशवाहा कल्याण समाजका संस्थापक अध्यक्ष सीताराम महतोको २०८१ फागुन ८ गते काठमाडौं मेडिकल कलेज, सिनामंगलमा उपचारको क्रममा दुःखद निधन भएको छ। उनको निधनले सिङ्गो कुशवाहा समाज स्तब्ध एवं मर्माहित भएको छ।
सीताराम महतोले कुशवाहा समुदायको उत्थान, अधिकार, तथा समृद्धिका लागि महत्वपूर्ण योगदान पुर्याएका थिए। समाजसेवीका रूपमा उनले नेपालको सामाजिक र साँस्कृतिक विकासमा सक्रिय भूमिका खेलेका थिए।
नेपाल कुशवाहा कल्याण समाजले महतोको योगदानलाई उच्च सम्मान गर्दै उनीप्रति भावपूर्ण श्रद्धाञ्जली अर्पण गरेको छ। समाजले महतोको स्मृतिलाई चिरस्थायी राख्ने प्रतिबद्धता व्यक्त गरेको छ।
Discussion about this post