लहानमा वन कार्यालय र स्थानीय तहबीच समन्वय गोष्ठी

महेश सिंह लहान, सिरहा- डिभिजन वन कार्यालय, सिरहाको आयोजनामा डिभिजन वन/सव-डिभिजन वन कार्यालय र स्थानीय तहबीच समन्वय विषयक दुई दिने गोष्ठी सम्पन्न भएको छ।
सम्राट होटल इन, लहानमा फागुन १ र २ गते भएको कार्यक्रममा संघीय, प्रदेश र स्थानीय तहबीचको सहकार्य, वन क्षेत्रमा लगानी र व्यवस्थापनका विषयमा छलफल भएको थियो।

गोष्ठीमा जिल्ला समन्वय समिति सिरहाका प्रमुख दिनेश महतो, स्थानीय तहका नगर प्रमुख, उप–प्रमुख, गाउँपालिकाका अध्यक्ष, उपाध्यक्ष र प्रमुख प्रशासकीय अधिकृतहरूको उपस्थिति रहेको थियो।
कार्यक्रम समृद्धिका लागि वन कार्यक्रम अन्तर्गत गरिएको हो। विश्व बैंकको जलवायु रणनीतिक कोष (Climate Strategic Fund) अन्तर्गत वन लगानी कार्यक्रम (Forest Investment Programme-FIP) कार्यान्वयनबारे छलफल गरिएको थियो।
उक्त कार्यक्रम नेपाल सरकार र विश्व बैंकको साझेदारीमा सञ्चालित छ। सहभागीहरूले वन संरक्षण, जलवायु परिवर्तन अनुकूलन, वन आधारित उद्यम प्रवर्द्धन र वित्तीय व्यवस्थापनमा यस्ता कार्यक्रम उपयोगी हुने प्रतिक्रिया दिए।