काठमाडौं । आगामी मङ्सिर ४ गते हुने प्रतिनिधि सभा तथा प्रदेश सभा सदस्य निर्वाचनमा मतपत्र छाप्नका लागि चाहिने कागजको अभाव भएको छ ।आयोगको कार्यतालिका बमोजिम समानुपातिक निर्वाचन प्रणालीतर्फको मतपत्र भदौ २० गतेदेखि छाप्न सुरु हुनुपर्ने हुन्छ तर कागजको अभावमा त्यो हुन सकेको छैन ।
आयोगले मतपत्र छाप्न प्रयोग हुने कागज आपूर्तिका लागि भदौ १ गते बोलपत्र आह्वान गरेको थियो। तर न्यूनतम मूल्यसँग मेल खाने गरी कुनै आपूर्तिकर्ताले प्रस्ताव पेस नगर्दा आयोगले उक्त बोलपत्र रद्द गरेको छ।
आयोगलाई करिब एक हजार एक सय मेट्रिक टन कागज आवश्यक पर्छ । हाल २५० मेट्रिक टन मात्रै कागज उपलब्ध छ।प्रतिनिधि सभा र प्रदेश सभाका लागि दुई–दुई करोड गरी समानुपातिक निर्वाचन प्रणालीतर्फ चार करोड मतपत्र छापिनेछ।
आयोगले भदौ १० गते तीन दिनभित्र प्रस्ताव पेस गर्न पुनः बोलपत्र आह्वान गरेको छ ।। यसअघि सात दिनको समय दिइएको थियो। दोस्रो पटक आह्वान गरिएबमोजिम आपूर्तिकर्ताले आइतबारभित्र प्रस्ताव पेस गर्नुपर्नेछ।
Discussion about this post