जनताको बहुदलिय जनवाद : राष्ट्र निर्माणको आधार” विषयक विचार गोष्ठी उदयपुरमा सम्पन्न

महेश सिंह लहान –जनताको बहुदलिय जनवादलाई राष्ट्र निर्माणको मूल आधारको रूपमा व्याख्या गर्दै बुधबार उदयपुरमा “जनताको बहुदलिय जनवादको आलोकमा समृद्धिको यात्रा” विषयक प्रशिक्षणात्मक विचार गोष्ठी सम्पन्न भएको छ।
उदयपुरको मोतिगडास्थित ‘द इम्पायर इन होटल’मा आयोजित कार्यक्रम मदन भण्डारी फाउन्डेसन, मनहरी जिल्ला कार्यसमितिको आयोजनामा सम्पन्न भएको हो।
स्मृति प्रतिष्ठान, फाउन्डेसन तथा अध्ययन अनुसन्धान केन्द्रका लागि अनुदान कार्यक्रम अन्तर्गत आयोजित गोष्ठीमा सहभागीहरूले जनताको बहुदलिय जनवादको सैद्धान्तिक पक्ष, राजनीतिक व्यवहार र वर्तमान सन्दर्भमा यसको सान्दर्भिकता बारे धारणा राखेका थिए।

कार्यक्रमको सहकार्य कोशी प्रदेश सामाजिक विकास मन्त्रालय, विराटनगरको रहेको थियो भने समन्वय नेकपा (एमाले) उदयपुर जिल्ला कमिटी अन्तर्गतको स्कूल विभागले गरेको थियो।

गोष्ठीमा स्थानीय नेताहरु, शिक्षक, राजनीतिक कार्यकर्ता, युवा र बुद्धिजीवीको उल्लेख्य उपस्थिति रहेको थियो। सहभागीहरूले जनताको बहुदलिय जनवादलाई व्यवहारमा उतार्न नीति, नेतृत्व र स्थानीय तहमा सशक्त अभ्यासको खाँचो औंल्याए।

कार्यक्रमले बहुदलिय जनवादबारे वैचारिक स्पष्टता दिनुको साथै पार्टी कार्यकर्तालाई सैद्धान्तिक रूपमा सुदृढ बनाउने उद्देश्य राखेको आयोजकको भनाइ छ।