महेश सिंह लहान – लहान नगरपालिका वार्ड नं. १४ निवासी पशुपति साह जनमत पार्टीमा औपचारिक रूपमा प्रवेश गरेका छन्। जनमत पार्टीका राष्ट्रिय अध्यक्ष डा. सिके राउतले साहलाई पार्टीमा स्वागत गर्दै हार्दिक बधाई दिएका छन्।
सिरहा र सप्तरी जिल्लामा विभिन्न राजनीतिक दल परित्याग गरी जनमत पार्टीमा प्रवेश गर्नेको क्रम तीव्र रूपमा बढिरहेको छ। हालै सम्पन्न कार्यकर्ता भेटघाट तथा पार्टी प्रवेश कार्यक्रममार्फत जनमत पार्टीमा सयौंको संख्यामा नयाँ कार्यकर्ताहरू आबद्ध भएका छन्।
कार्यक्रममा बोल्दै युवा नेता सन्तोष सिंहले जनमत पार्टीप्रति जनताको विश्वास बढ्दो क्रममा रहेको बताए। “जनताको आशा र अपेक्षाको केन्द्र बन्दै जनमत पार्टीप्रति आकर्षण बढेको छ,” उनले भने।
पार्टीमा प्रवेश गर्नेहरूमध्ये युवा वर्गको उल्लेख्य उपस्थिति देखिएको छ, जसले पार्टीको संगठनात्मक बल अझ सुदृढ हुँदै गएको संकेत गरेको छ।
Discussion about this post