बारामा प्रहरी दमन, दर्जनौं घाइते, सात पक्राउ

बाराको कोलहवी नगरपालिका – १० मा प्रहरी र साझा जागरण अभियानको किसान संगठनको बिचमा झडप हुँदा दर्जनौं आन्दोलनकारी घाइते भएका छन् भने सात जनालाई प्रहरीले पक्राउ गरेका छन् । तर, प्रहरीसँग फोन सम्पर्क गर्दा चार जना मात्र पक्राउ गरेको जनाएको छ ।
बाराको कोलहवीमा सरकारले हदबन्दी कायम गरेको हजारौं विघा जग्गा र सार्वजनिक जग्गा केही वर्षदेखि भूमाफियाहरुले कब्जागरी बेचबिखन गरिरहेको जग्गा कब्जागरी चालिस बिघा जग्गा रोपाइँ गरिरहेको बेला प्रहरीले हजारौं आन्दोलनकारीमाथि लाठी चार्ज तथा धड्पकड गर्दा दुई दर्जन आन्दोलनकारी घाइते भएका छन् भने साझा जागरण अभियानका मधेसप्रदेस संयोजक प्रकाश चौधरी, प्रवक्ता तथा पत्रकार सिकिन्द्र कुशवाहा, बारा जिल्ला संयोजक कंचन पासवान, प्रेम चौधरी, मुजाहिर मियाँ, श्रीचन चौधरी र दुईजना घाइते महिला पक्राउ गरेका छन् । तर, जिल्ला प्रहरीले आफूहरू चार जना मात्र पक्राउ गरेको दावी गरेको छ ।
साझा जागरण अभियानले प्रेस विज्ञप्ति मार्फत निहत्था किसानमाथि भएको प्रहरी दमनको घोर भत्सर्ना गरेको छ । केन्द्रीय संयोजक राजेश विद्रोहीको हस्ताक्षर रहेको उक्त विज्ञप्तिमा दमनमा संलग्न प्रहरीहरुको कार्वाही, घाइतेहरुको उपचार तथा पक्राउ परेका हरुलाई अविलम्ब रिहाइको माग समेत गरेको छ ।
साझा जागरण अभियानका ७ जना आन्दोलनकारीहरुलाई प्रहरीले पक्राउ गरेको छ । पक्राउ पर्नेमा प्रदेश संयोजक प्रकाश चौधरी, प्रवक्ता सिकिन्द्र कुशवाहा, बारा जिल्ला संयोजक कंचन पासवान, प्रेम चौधरी, श्रीचा चौधरी, मुजाबिर मिँया र २ जना महिला छन् । सरकारको हदबन्दी तथा सार्वजनिक ४० विगहा जग्गा रोपाइँ गर्न हजारौंको संख्यामा पुगेका जागरणका अभियानीहरुलाई प्रहरीले कुटपिट गर्दा २ दर्जनभन्दा बढी घाइते भएका छन ।