लहानमा नि:शुल्क कृतिम हात खुट्टा वितरण

महेश सिंह सिरहा लहान १३” पौष – सिरहाको लहानमा १४८ जना अपाङ्गता भएका ब्यक्तीलाई नि:शुल्क कृतिम हात खुट्टा वितरण गरेका छन्।
नि:शुल्क कृतिम हात खुट्टा गरेका हो।मारवाडी युवा मंञ्च राजबिराजको सह आयोजना रहेको थियोे। कार्यक्रममा बृहत अपाङ्गहरुको उपस्थिति रहेको केन्द्रिय सदस्य चेतन मुरारकाले जानकारी दिनु भयो।
नेपाल राष्ट्रिय मारवाडी युवा संगठन द्वारा आयोजित तथा नारायण सेवा संस्थान उदयपुर,(भारत)को प्राविधिक सहयोग तथा मारवाडी युवा मञ्च लाहानको सहकार्यमा भदौ २४ गते गरिएको कृतिम अंगको नापजाँच पश्चातको निःशूल्क रूपमा पौष ११ गते बुधबार वितरण गरिएको राष्ट्रिय अध्यक्ष मनोज अग्रवालले जानकारी दिनुभयो।
नारायण सेवा संस्थानले नि :शुल्क रूपमा बिगत लामो समय देखी नेपाल,भारत लगायतका बिभिन राज्यमा नि:शुल्क शिबिर संचालन गरी लाखौं करोडौं मानिसहरुलाई सेवा प्रदान गरेको राष्ट्रिय संयोजक यज्ञराज अग्रवालले जनाए।
लाहान ७ स्थित रहेको मारवाडी सेवा सदनमा बृहत रूपमा कार्यक्रमको आयोजना गरी कृतिम अंग वितरण गरेको हो।केन्द्रिय सदस्य तथा वरिष्ठ समाज सेवी चेतन मुरारकाको विशेष पहलमा शिबिर संचालन भएको हो।
स्थानीय राहुल सारडाको अध्यक्षतामा सुरु भएको कार्यक्रममा मधेस प्रदेशको स्वास्थ तथा जनसंख्या मन्त्री बिरेन्द्र प्रसाद सिंह कार्यक्रमको प्रमुख अतिथि रहनु भएको थियोे भने बिशिस्ट अतिथिमा लहान नगरपालिका प्रमुख महेश प्रसाद चौधरी,जिल्ला प्रहरी कार्यालय सिरहाको प्रमुख टेकु नन्द ईवालिम्बु
केन्द्रिय अध्यक्ष मनोज अग्रवाल उधोग बाणिज्य संघ सिरहा लहानका अध्यक्ष बिकास सारडा ईलाका प्रहरी कार्यालय लहानका इन्चार्ज भोला भट्ट लगायतका अतिथिहरुको उपस्थित रहेको आयोजक संस्थाको प्रतिनिधि राहुल सारडाले जानकारी दिनु भयो।
प्रमुख अतिथि राज्य मन्त्री बिरेन्द्र प्रसाद सिंहले प्रमुख अतिथिको आशनबाट बोल्दै छिमेकी देश भारतबाट आएर स्थानीय सरकार प्रदेश सरकार र संघीय सरकारले गर्न नसक्ने काम स्थानीय युवाहरुले गरेकोमा नेपाल सरकारको तर्फबाट धन्यवाद दिदै यहाँका नागरिक शिक्षा स्वास्थ प्रति सचेत रहेको चर्चा गरेका थिए।
मधेस प्रदेशको भुमि समतल र वातावरणको हिसाबले राम्रो रहेको र हाम्रो प्रदेशलाई देशको उत्कृष्ट बनाउने जिम्मेवारी हामी जस्ता युवाहरुको कर्तव्य रहेको बताए।राम्रो काम गर्ने ब्यक्तीको खुट्टा तान्ने प्रबृत्ति हाम्रो प्रदेश निकै रहेको कारण हाम्रो प्रदेश पछाडी रहेको टिप्पणी गरेका थिए।
त्यस्ता ब्यक्तीहरुलाई समाजबाट निरुत्साहित गर्नु पर्छ।जुन ठाँउको ब्यक्ती स्वास्थ हुन्छ त्यो समाज रुपान्तरण समाज बन्न जान्छ।समाज बिकसित हुन शिक्षितको आवश्यकता पर्ने गरेको मन्त्री सिंहले बताए।लहान अस्पतालले फाल्गुन मसान्त भित्र १०० बेडको सेवा संचालनमा आउने बताए।
प्रमुख जिल्ला अधिकारी राजेन्द्र बहादुर पान्डेका अनुसार अपाङ्गता भएका ब्यक्तीहरु अपहेलित जीवन बिताउने गरेका ब्यक्तीहरुले कसैको सहारा बिना अभियास तपाईंको जीवन प्रतिको अशा बढदै जाने बताए।

सिरहाको लहान ७ स्थित रहेको मारवाडी सेवा सदनमा वितरण गरिने महासचिव बिनीत बेरीवाल र लहानको कार्यक्रम संयोजक रूपेश खेतान एवं विवेक अग्रवालले जानकारी दिनु भयो।