महेश लहान,सिरहा- लहान नगरपालिकाको पहलमा सञ्चालन गरिएको सरसफाइ तथा शौचालय निर्माण अभियान सफलतापूर्वक सम्पन्न भएको छ।“घर–घरको शान, शौचालय निर्माण” र “शौचालय बनाऔँ, इज्जत बचाऔँ”भन्ने मूल नाराका साथ अभियान सञ्चालन गरिएको हो।
लहान नगरपालिका–२१ स्थित टोल क्षेत्रमा सञ्चालन गरिएको उक्त अभियानमा स्थानीयवासीको सक्रिय सहभागिता रहेको थियो। अभियान अन्तर्गत सरसफाइका साथै शौचालय निर्माणसम्बन्धी जनचेतनामूलक गतिविधि सञ्चालन गरिएको आयोजकले जनाएको छ।
टोले स्तरिय खानेपानी, सरसफाइ तथा स्वच्छता समन्वय समितिको आयोजनामा सम्पन्न कार्यक्रम लहान नगरपालिकाको समन्वयमा सञ्चालन गरिएको हो। अभियानमार्फत खुला दिसामुक्त अभियानलाई थप प्रभावकारी बनाउने र स्वच्छ, स्वस्थ तथा सम्मानजनक जीवनशैली प्रवर्द्धन गर्ने उद्देश्य लिइएको जनाइएको छ।
कार्यक्रममा स्थानीय जनप्रतिनिधि, टोल विकास समिति, सरोकारवाला निकाय तथा सर्वसाधारणको उल्लेखनीय उपस्थिति रहेको थियो। आयोजकले अभियान सफल बनाउन सहयोग गर्ने सम्पूर्ण पक्षप्रति धन्यवाद व्यक्त गरेका छन्।
Discussion about this post