महेश सिंह लहान सिरहा-समाजिक तथा राजनीतिक अधिकारको खोजी गर्दै नेपाल मुस्लिम संघ उदयपुर जिल्ला कार्य समितिको बैठक गाईघाटमा सम्पन्न भएको छ। बैठकले देशमा सबै समुदायका नागरिकलाई समान अधिकार सुनिश्चित हुनुपर्ने माग गर्दै मुस्लिम समुदायको राजनीतिक तथा सामाजिक सहभागिता मजबुत बनाउन आवाज उठाएको छ।
संघका जिल्ला अध्यक्ष नजबूल खानको अध्यक्षतामा २०८२ साल मंसिर २८ गते सम्पन्न बैठकमा पार्टी र सरकार दुवैले मुस्लिम समुदायको समावेशी सहभागिता सुनिश्चित गर्नुपर्नेमा जोड दिइयो। विशेषगरी सिमान्तकृत समुदायका रूपमा रहेको मुस्लिम समुदायका राजनीतिक अधिकार, प्रतिनिधित्व र अवसरका विषयमा व्यापक छलफल गरिएको आयोजकले जनाएको छ।
बैठकमा नेपाल मुस्लिम संघ उदयपुर जिल्ला समितिका उपाध्यक्ष सदरुल मिया, सचिव मुस्तुफा अली, सहसचिव पवित्रा खातुन, सदस्यहरू अमिना खातुन, सहिमा खातुन र सबनम खातुनको उपस्थिति रहेको थियो। त्यस्तै, केन्द्रीय सदस्यहरू रजिया सुल्तान र रोशन खातुनको विशेष उपस्थिति रहेको बैठकले जनाएको छ।
वक्ताहरूले संविधानले प्रत्याभूत गरेका समानता, सहभागिता र प्रतिनिधित्वका अधिकार व्यवहारमा कार्यान्वयन हुन नसकेको भन्दै राज्यका सबै निकायमा मुस्लिम समुदायको उचित सहभागिता सुनिश्चित गर्न सरकार गम्भीर बन्नुपर्ने धारणा व्यक्त गरे। बैठकले आगामी दिनमा अधिकार सुनिश्चित गर्न संघले सशक्त पहल र अभियान सञ्चालन गर्ने निर्णयसमेत गरेको छ।
Discussion about this post