बालविवाह र दाइजो प्रथा विरुद्ध अन्तरक्रिया

महेश सिंह लहान सिरहा – बालविवाह विरुद्ध प्रदेश स्तरीय सञ्जालको आयोजनामा मधेस प्रदेशको राजधानी जनकपुरधाममा “बालविवाह तथा दाइजो प्रथा विरुद्ध विद्यमान नीति तथा कानुनहरूको कार्यान्वयनको अवस्था, चुनौती र सरोकारवाला निकायहरूको भूमिका” विषयक अन्तरक्रिया कार्यक्रम सम्पन्न भएको छ।

कार्यक्रममा प्रदेश सरकारका प्रतिनिधि, स्थानीय तहका जनप्रतिनिधि, सुरक्षाकर्मी, शिक्षाविद्, महिला अधिकारकर्मी, सामाजिक अभियन्ता तथा सञ्चारकर्मीहरूको सक्रिय सहभागिता रहेको थियो। सहभागीहरूले बालविवाह र दाइजो प्रथा अन्त्यका लागि प्रभावकारी नीति कार्यान्वयन, सचेतना अभिवृद्धि, शिक्षा तथा आर्थिक सशक्तीकरणका कार्यक्रमहरूलाई प्राथमिकता दिनुपर्नेमा जोड दिए।

सञ्जालका अनुसार बालविवाह र दाइजो प्रथा जस्ता हानिकारक सामाजिक प्रथाहरूको अन्त्यका लागि सबै सरोकारवाला निकायको समन्वय र दीर्घकालीन रणनीतिमार्फत मात्र प्रभावकारी परिणाम हासिल गर्न सकिने उल्लेख गरिएको छ।कार्यक्रम सफलतापूर्वक सम्पन्न भएको आयोजकले जानकारी दिएका छन्।