महेश सिंह सिरहा –सिरहाको धनगढीमाई नगरपालिका–१३ छ्याङ्गखोलाको डिलामा चन्द्र घन्टा भगवती मन्दिर को शिलान्यास गरिएको छ।
स्थानीय पत्रकार बिनोद मण्डल को पहलमा सुरु भएको मन्दिर निर्माण अभियान अन्तर्गत वडाध्यक्ष सुर्यमान तमाङ ले विधिपूर्वक शिलान्यास गरेका हुन्। स्थानीयवासीको लामो समयदेखिको माग अनुसार भगवतीको मन्दिर निर्माण हुन लागेको हो।
स्थानीय रासलाल साह भन्छन्, “यहीँ भाकल गर्दा मेरो घरमा नाति भएको छ।” उनका अनुसार, चन्द्र घन्टा भगवती अद्भुत शक्तिशाली देवी हुन्।
मन्दिर निर्माणका लागि स्थानीय सरकार, दानवीर सहयोगी तथा भक्तजनहरूले सामूहिक रूपमा सहयोग गर्ने प्रतिबद्धता जनाएका छन्। धार्मिक आस्थासँग जोडिएको यो स्थानलाई व्यवस्थित गर्न मन्दिर निर्माण आवश्यक रहेको स्थानीयको भनाइ छ।
पौराणिक कालदेखि पूजाआजा हुँदै आएको स्थानमा मन्दिर निर्माण भएपछि धार्मिक पर्यटकको चाप बढ्ने अपेक्षा गरिएको छ।
Discussion about this post