महेश सिंह सिरहा लहान – राष्ट्रिय सेवा दल पूर्वी तालिम शिक्षालय याङ्गशिलामा जुनियर डिभिजनको ५०औं ब्याचको दीक्षान्त समारोह भव्य रूपमा सम्पन्न भएको छ। कार्यक्रममा प्रमुख अतिथि उपरथि पवन राज घिमिरेले क्याडेटहरूलाई दीक्षित गराएका थिए।
दीक्षान्त समारोहका अवसरमा क्याडेटहरूले कवाज प्रदर्शनी प्रस्तुत गर्दै आफ्नो प्रशिक्षण अवधिमा सिकेका सीप र अनुशासनको प्रदर्शन गरेका थिए।
प्रमुख अतिथि घिमिरेले क्याडेटहरूलाई अनुशासन, देशभक्ति र नेतृत्व विकासको महत्त्वबारे प्रेरणादायी सम्बोधन गर्दै उज्ज्वल भविष्यका लागि शुभकामना दिएका थिए।
कार्यक्रममा सिरहा जिल्ला निर्देशक शर्माले राष्ट्रिय सेवा दलले युवा पुस्तालाई जिम्मेवार नागरिकका रूपमा तयार गर्न खेलेको भूमिकाको प्रशंसा गर्दै तालिमको प्रभाव र आवश्यकताबारे प्रकाश पारे।
स्थानीय अगुवा, अभिभावक र अतिथिहरूको उपस्थिति रहेको कार्यक्रममा क्याडेटहरूको प्रदर्शनले सबैलाई प्रभावित पारेको थियो। दीक्षान्त समारोहले तालिम लिएका युवाहरूमा आत्मविश्वास र राष्ट्रिय सेवाप्रतिको प्रतिबद्धता थप मजबुत बनाएको बताइएको छ।
Discussion about this post