महेश सिंह सिरहा- जिल्लामा बढ्दो सवारी दुर्घटनालाई न्यूनीकरण गर्न र ट्राफिक व्यवस्थापनलाई प्रभावकारी बनाउन जिल्लास्थित सरोकारवाला निकायहरूसँग अन्तरक्रिया कार्यक्रम सम्पन्न भएको छ। जिल्ला प्रशासन कार्यालय सिरहा,जिल्ला प्रहरी कार्यालय सिरहा, र जिल्ला ट्राफिक प्रहरी कार्यालय सिरहाको संयुक्त आयोजनामा सम्पन्न कार्यक्रममा सडक सुरक्षा र ट्राफिक व्यवस्थापनका विभिन्न पक्षमाथि गहन छलफल गरिएको थियो।
कार्यक्रममा स्थानीय सरकार, विद्यालय प्रतिनिधि, नागरिक समाज, यातायात व्यवसायी, र सुरक्षाकर्मीको उपस्थिति रहेको थियो। उनीहरूले जिल्लामा दुर्घटना न्यूनीकरणका लागि सामूहिक प्रयास आवश्यक रहेको औंल्याए।
सवारी चालकलाई नियमित स्वास्थ्य परीक्षण र सवारी साधनको यान्त्रिक परीक्षण अनिवार्य गराउने।
सवारीको भारबहन क्षमता,यात्रु ओसारपसार, र सवारीको अवस्था सम्बन्धी कडाइ ,सडकको सडक मर्मत, विस्तार, र गुणस्तर सुनिश्चित गर्ने उपाय ,यातायातलाई व्यवस्थित बनाउन, बसपार्क र पार्किङ स्थलको निर्माण,ट्राफिक निगरानीलाई थप प्रभावकारी बनाउन सिसि क्यामरा जडान र मर्मत।जिल्ला ट्राफिक प्रहरी प्रमुखले सडक दुर्घटनाका कारणहरू पहिचान गरी उपयुक्त कदम चाल्ने प्रतिबद्धता जनाए। उनले भने,”सडक सुरक्षा हाम्रो प्राथमिकता हो। ट्राफिक नियम उल्लङ्घन गर्नेहरूलाई कडाभन्दा कडा कारबाही गरिनेछ।”
प्रतिनिधिहरूले सडकको गुणस्तर सुधार,बसपार्क निर्माण,र जनचेतना अभिवृद्धिमा जोड दिएका थिए ।सिरहाका प्रमुख जिल्ला अधिकारीले दुर्घटना न्यूनीकरणका लागि प्रहरी,यातायात व्यवसायी, स्थानीय सरकार, र नागरिक सबैको साझा प्रयास आवश्यक रहेको बताए।सिरहा जिल्लामा हरेक वर्ष सवारी दुर्घटनाको दर बढ्दै गएको तथ्याङ्कले देखाउँछ। यसलाई नियन्त्रण गर्न यसप्रकारका अन्तरक्रिया कार्यक्रमले नीति निर्माणमा सहयोग पुर्याउने आयोजकहरूले विश्वास व्यक्त गरेका छन्।
Discussion about this post