काठमाडौँ- आपतकालीन प्रसूति सेवाहरू अस्थायी रूपमा बन्द गरेको र एक भारतीय गर्भवती महिलालाई जबरजस्ती अर्को अस्पताल सार्ने निर्णय गरिएको भन्दै व्यापक आलोचना भएपछि पोर्चुगलकी स्वास्थ्य मन्त्री मार्टा टेमिडोले राजीनामा दिएकी छन् ।
पोर्चुगलको राष्ट्रिय सार्वजनिक प्रसारक आरटीपी न्यूजले जनाएअनुसार टेमिडोले राजीनामा दिएको जनाएको छ । घटनापछि पदमा रहिरहनुपर्ने कुनै कारण बाँकी नरहेको भन्दै उनले राजीनामा दिएको जनाइएको छ ।
राजधानी लिस्बनमा एक गर्भवती महिलाको मृत्यु भएको खबर आएको पाँच घण्टापछि उनको राजीनामाको घोषणा गरिएको हो ।
पोर्चुगिज राष्ट्रपतिको आधिकारिक वेबसाइटमा प्रकाशित एक नोटमा राष्ट्रपतिले स्वास्थ्य मन्त्रीको राजीनमा स्वीकृत गरिएको उल्लेख छ।
डे सान्ता मारिया अस्पतालको नवजात शिशु वार्डमा बेड खाली नभएका कारण एक गर्भवती भारतीय महिलालाई साओ फ्रान्सिस्को जेभियर अस्पतालमा सारिएको थियो ।
अस्पताल सार्ने क्रममा हृदयाघात भई उनको शनिबार मृत्यु भएको थियो । यही कारण जनाउँदै स्वास्थ्यमन्त्रीले राजीनामा दिएकी हुन् ।
Discussion about this post