सिरहाको बरियारपट्टी बड्हरी कचनारी र झाझ पट्टी नाकाबाट अवैध तस्करीको एक गम्भीर चुरो स्थिति समोर आएको छ। कचनारीको रोड नम्बर २ बाट दिनरात लाखौंको तस्करी भइरहे खुलाशा भएको छ। नेपाल प्रहरी शस्त्र प्रहरी र तस्करबीचको मिलोमतोमा सिरहाको बरियारपट्टी भन्सार कचनारी बरहरी झाझप ललमनिया घोरमोहना बोडरबाट रात भरी तस्करी हुने गरेको खुलासा भएको छ।सरोकारवाला निकाय कुनै चासो नदेखिएकोले स्थानीय बासीको व्यापक जन गुनासो रहेको छ।
स्थानीय स्रोतका अनुसार, प्रहरीले तस्करहरूसँग मिलेर महिनाको लाखौं रकमअसुली गरेको भुझिएको छ। चाडपर्वका समयमा तस्करी गर्न दिएको छ। चाडबाडको समयमा मौका छोपेर तस्करहरूले आफ्नो क्रियाकलापलाई तीव्रता दिन्छन्। यहाँको प्रहरीले तस्करहरूबाट मासिक रूपमा ठूलो रकम असुल्न थालेका छन्, जसले गर्दा तस्करीको गतिविधि बढ्न सघाएको छ।
नेपालबाट भारततर्फ हरियो र सेतो मटर, स्याऊ, र सुपारी जस्ता वस्तुहरूको तस्करी भइरहेको छ। यस्तै, भारतबाट नेपालतर्फ कपडा, चिनी, खैनी, प्याज, मरिच र रजनिगन्धा जस्ता सामान तस्करी गरिन्छ। स्थानीय बासिन्दाले ५ किलो चिनी र ५ लिटर तेल ल्याउँदा प्रहरी तिनलाई किचकिच गर्ने गरेको बताएका छन्, तर तस्करहरूले लाखौंको सामान ल्याउँदा प्रहरीले नदेखेको जस्तो गर्छन्। असुली गरेको रकमबाट जिल्लाको प्रमुख जिल्ला अधिकारी नेपाल प्रहरीको एसपी शस्त्रका एसपीको भाग भणडा समेत हुने गरेको बुझीएको छ।
Discussion about this post