नेशनल लघुवित्तद्वारा सिरहाका दुई विद्यालयमा शैक्षिक सामग्री वितरण

लहान– नेशनल लघुवित्त वित्तीय संस्था लिमिटेडले सिरहाको बरियारपट्टी गाउँपालिका अन्तर्गत दुई विद्यालयका विद्यार्थीलाई शैक्षिक सामग्री वितरण गरेका छन्। सामाजिक उत्तरदायित्व अन्तर्गत, सरस्वती आधारभूत विद्यालय र जनता आधारभूत विद्यालयमा अध्ययनरत ३४० विद्यार्थीलाई झोला, विद्यालय पोशाक,कपी र कलम वितरण गरिएको हो।
संस्थाले सरस्वती आधारभूत विद्यालयलाई ३०० थान र जनता आधारभूत विद्यालयलाई ४० थान झोला वितरण गरेको अनुगमन अधिकृत आशाराम यादवले बताए। कुल ६ लाख रुपैयाँ बराबरको शैक्षिक सामग्री वितरण गरिएको पालिका अध्यक्ष संतोष महतोको अध्यक्षता रहेको थियो भने नेशनल लघुवित्तका सिईओ तथा राष्ट्रिय बैंकर संघका अध्यक्ष राम बहादुर यादव प्रमुख अतिथिका रूपमा सहभागी रहेको आयोजकले जनाए।
कार्यक्रममा वडा नं. १ का अध्यक्ष देवेन्द्र यादवसहित स्थानीय जनप्रतिनिधि लघुवित्तका विभिन्न शाखा प्रमुखहरूको उपस्थिति रहेको नेशनल लघुवित्तको बरियारपट्टी शाखा र सरस्वती आधारभूत विद्यालयको संयुक्त पहलमा कार्यक्रम सम्पन्न भएको छ।