सिरहा, २९ मंसिर – सिरहाको कर्जन्हा नगरपालिका वडा नं. १० स्थित अकरहिया जंगलमा घाँस काट्न गएकी महिलालाई कर्तव्य गरी ज्यान मार्ने २ जनालाई सिरहा प्रहरीले पक्राउ गरेको छ । मंगलबार दिउसो ३ बजे तिर सिरहा जिल्ला मिर्चैया नगरपालिका वडा नं. २ मल्हनिया पिडारी टोल बस्ने बर्ष २६ की लक्ष्मिनिया देवी कापरको घाँटी तथा पेटमा धारिलो हतियार खुकुरी प्रहार गरी हत्या गरी फरार भएका दुबै जनालाई प्रहरीले प्रक्राउ गरेर कारवाहीका लागि अदालतमा पेश गरेका छन् ।
प्रतिवादीहरुलाई मधेश प्रहरी कार्यालय, जनकपुरबाट खटिएको तालिम प्राप्त कुकुर सहितको टोलीको सहयोगमा जिल्ला प्रहरी कार्यालय सिरहा तथा ईलाका प्रहरी कार्यालाय मिर्चैयाबाट खटेका प्रहरी टोलिले हत्यामा प्रयोग भएको खुकुरी सहित मिर्चैया नगरपालिका वडा नं. २ मल्हनिया टोल बस्ने रामचन्द्र महत्तोको छोरा बर्ष २० को राजकुमार महत्तो कोईरी र मिर्चैया नं. १ बस्ने हेमन्त कुमार रजकको छोरा बर्ष २० को नितेश कुमार रजकलाई पक्राउ गरि सिरहा जिल्ला अदालत, सिरहाबाट कर्तब्य ज्यान मुद्दामा ७ दिनको म्याद लिई ईलाका प्रहरी कार्यालय मिर्चैया सिरहाबाट थप अनुसन्धान कार्य भईरहेको जिल्ला प्रहरी कार्यालय सिरहाका प्रवक्ता तथा सूचना अधिकारी प्र.ना.उ. सुवास बुढाथोकीले जानकारी दिए ।
यतालक्ष्मी नियाँकी श्रीमान दिपेन्द्र कापड वैदेशिक रोजगारीको शिललामा कतारमा छन्। घटनाको जानकारी पाएलगतै उनी नेपाल फर्कदै गरेको दिपेन्द्रको बुवा रामदेवले जानकारी दिए। उनीहरुको १० वर्षका दिपेश, ७ वर्षका रुकेश र ३ वर्षका रिपेशगरी तीनजना छोरा छन्। मृतक कापरको ५६ वर्षिय ससुरा रामदेव कापरले रेडियो गंगाजल संग कुरा गर्दै भने, हाम्रो गाउँमा कसै संग कुनै दुश्मनी थिएन । छोरा बैदेशिक रोजगारमा छन् । अब घरमा रहेका उनको ३ छोरालाई कस्ले हेर्ला भन्दै भक्कानिए ।
गाउँबाट आफुहरु ८ जना महिला घास र दाउरा ल्याउनका लागि गएका थियौं । त्यसमा लक्ष्मिनिया पनि थियो छोराको लागि औषधी लिनुपर्ने भन्दै आफुहरुलाई छोडेर घर निस्केका लक्ष्मीनियालाई हामीले मृत अवस्थामा देख्दा वेहोस भएको छिमेकि सुरजा कामतले बताइन् । यस घट्ना वारे जानकारी गाउँमा भएपछि गाउँलेहरु मंगलबार दिउसो पुर्वपश्चिम राजमार्ग अबरोध गरेर दोषीलाई पक्राउ गर्नुपर्ने माग गरेका थिए ।
Discussion about this post