महेश सिंह लहान सिरहा –मानवीय सेवा तथा सामाजिक उत्तरदायित्व बहन गर्दै लहान सिटी जेसिजको आयोजनामा बृहत् रक्तदान कार्यक्रम सञ्चालन भइरहेको छ।
लहान-७ स्थित दुर्गा मन्दिर नजिकै बिहानैदेखि सुरु भएको यस कार्यक्रममा युवाहरू तथा स्थानीय बासिन्दाहरूको उत्साहजनक सहभागिता देखिएको छ।
यस रक्तदान कार्यक्रमको मुख्य उद्देश्य स्थानीय अस्पताल तथा रक्त सञ्चार केन्द्रमा देखिएको रगतको अभावलाई कम गर्नु र आकस्मिक अवस्थाका बिरामीहरूलाई सहयोग पुर्याउनु रहेको आयोजक संस्थाले जनाएको छ।
जेसिजका सदस्यहरू, विभिन्न संघसंस्थाका प्रतिनिधिहरू र साधारण नागरिकहरूले समेत रक्तदान गरी यस जीवन बचाउने अभियानमा सहयोग गरिरहेका छन्।
”रक्तदान जीवनदान हो। हामीले सानो प्रयासबाट कसैको जीवन बचाउन सक्छौं। यो मानवीय दायित्व पूरा गर्न पाउँदा हामी गौरवान्वित छौं।लहान सिटी जेसिजका एक पदाधिकारी यो रक्तदान कार्यक्रम दिनभरि जारी रहने आयोजकले जानकारी गराएको छ।
Discussion about this post