महेश सिंह सिरहा लहान ३१ जेठ – सडक दुर्घटना गर्नमा टिपर अग्रस्थानमा देखिएका छन्।टिपरको तिब्रगतीले दिनानुदिन सडक दुर्घटना बढीरहेका छन्।चाईना रेलवे कम्पनीले प्रयोग गर्दै आएका टिपरहरुको तिब्र गतिले सडक दुर्घटना निमत्याउने गरेको स्थानीयको आरोप रहेका छन्।
ट्राफिक प्रहरी सिरहा लहानका प्रमुखका अनुसार पुर्व पश्चिम् राज मार्गमा चल्ने छोटो तथा लामो दुरीका टिपरलाई सिमित गतिमा चलाउन ट्राफिक प्रहरीले निर्देशन दिएका हुन्।ट्राफिक नियमको पालना गरौं सडक दुर्घटनाबाट जोगौ,जोखिम पुर्ण यात्राबाट बचौ र अरुलाई पनि बचाउ भने मुल नाराको साथ ट्राफिक प्रहरीले पटकपटक चेक जाँचमा सचेत गराउदै आएका छन्।
ट्राफिक प्रहरीको नियम उलंघन गरी सवारी चालाएमा कानूनी बमोजिम कार्वाही गर्ने ट्राफिक प्रहरीले बताए।सिरहामा दैनिक रूपमा सडक दुर्घटनामा परी मान्छेको मृत्यु हुने गरेका छन्।सिरहामा टिपरको आतंकले दिनानुदिन सडक दुर्घटना उच्च जोखिममा रहेको ट्राफिक प्रहरीका इन्चार्ज मीन बहादुर बस्नेतले बताए।
Discussion about this post