सिरहा लहान १५ जेष्ठ – जिल्लाका न्यायिक निकाय तथा सरोकरवालाहरु विच सहज न्यायम पहुँचका लागि संवाद कार्यक्रम सिरहामा सम्पन्न भएको छ।ओरेक,मुक्ति नेपाल,महिला मानव अधिकार रक्षक संजाल र मानव अधिकार रक्षक संजालको संयुक्त आयोजनामा भएको कार्यक्रममा जिल्ला अदालतका माननीय न्यायाधीश,सरकारी वकिल कार्यालयका न्याधिवक्ता,प्रमुख जिल्ला अधिकारी,जिल्ला प्रहरी कार्यालय सिरहाका प्रमुख,न्यायिक समिति संयोजक,वार एसोसिएसन लगायत ४० जनाको उपस्थिति रहेको थियो।
कार्यक्रमा सिरहा जिल्ला अदालतको न्यायधिवक्ता मनोज कार्कीले अदालतले प्रमाण पुगे अनुसार फैसला गर्ने हो । कहि कतै न्यायधिसले गलत फैसला गरेको छ भने त्यो भन्दा माथिल्लो निकाय न्याय परिषदले सजाय दिने बताउनुभयो । प्रमुख जिल्ला अधिकारी भोजराज खतिवडाले हिंसा प्रभावितहरुको न्यायमा सहज पहुँचका लागि न्यायिक समिति सक्रिय बनाउनु पर्छ।
त्यसका लागि संघसंस्थाले प्राविधिक सहयोग गर्नु पर्ने बताउनुभयो । उहाँले थप्दै भन्नुभयो समुदायमा नै गएर जनचेतना मुलक कार्यक्रम संचालन गर्नु पर्छ साथै एक द्धार संकट व्यवस्थापन केन्द्रलाई प्रभावकारी बनाएर हिंसा प्रभावितलाई एकै ठाउँबाट सेवा प्रदान गर्ने वातावरण बनाउनु पर्छ ।जिल्ला प्रहरी कार्यालयका एसपी टिकु नन्द ईवा लिम्बुले प्रहरीमा घट्ना भएको खबर आउनु पर्छ हामी तत्काल घट्ना स्थलमा पुग्छौ ।
अहिले जिल्ला प्रहरी कार्यालयमा भिकटिम रिसपोन्स टीम परिचालन गरेको छ। जो कोही पनि कार्यालय परिसर भित्र पस्ने वितिकै त्यो टिमले रेसपोन्स गरिरहेको छ । अझ संघसंस्सथा र सरोकारवाल निकायबीच समन्वयको आवश्यकता समेत देखेको बताउनु भयो।
सरकारी वकिल कार्यालयका न्यायधिवक्ता शिव प्रसाद आचार्यले धेरै हिंसा प्रभावितले नपाउनुमा उनीहरुको पहुँच नपुगेर समेत समस्या हुने गरेकोले अबका दिनमा गाउँ गाउँमा गएर न्यायिक प्रकृयाका बारेमा अभिमुखिकरणको आवश्यकता भएको बताउनुभयो ।
Discussion about this post