लहानमा स्वावलम्बन लघुवित्तको तालिम: कर्मचारीहरूको क्षमता र दक्षता विकासमा फाइदा

स्वावलम्बन लघुवित्त वित्तीय संस्था लिमिटेडले बरिष्ठ सहायक तथा सहायक स्तरका कर्मचारीलाई क्षमता तथा दक्षता अभिवृद्धि गराउन २ दिने तालीम सम्पन्न गरेको छ।
सिरहाको लहान स्थित होटल बिशालमा तालीम सम्पन्न गरेको वित्तीय संस्थाको तालिम विभाग प्रमुख मोहित नारायण यादवले जानकारी दिनु भयो।
प्रमुख आतिथ्यमा यस वित्तीय संस्थाको ईलाका कार्यालय लहान,सिरहा मातहतमा पर्ने विभिन्न १५ वटा शाखा कार्यालयहरुमा कार्यरत जम्मा २५ जना सहायक तथा बरिष्ठ सहायक स्तरका कर्मचारीहरुको तालिममा सहभागिता रहेको आयोजक समितिले जनाए।

तालिममा ३ जना महिला कर्मचारी र बाकी पुरुष कर्मचारीको सहभागिता रहेको थियो।तलिममा Time Management, Customer relationship, Attitude Development, Recovery Management, Problem Solving and Decision Making Marketing & Risk Management विषयहरुमा सहभागीहरुसंग समूह छलफल,व्याख्यान विधि, अभिनय लगायतका विधिद्धारा विषयवस्तुमा छलफल गराईएको थियो।तालिमको समापन समारोहमा एक जना महिला र एक जना पुरुष कर्मचारीले आफ्ना मन्तव्य राख्दै तालिम धेरै राम्रो, सान्दर्भिक तथा उपलब्धिमूलक रहेको बताए।
तालिम विभाग प्रमुख मोहित नारायण यादव, प्रबन्धक सन्त बहादुर सार्की,सहायक प्रबन्धक रमेश प्रसाद पोख्रेल र ईलाका प्रबन्धक तारणी प्रसाद चौधरीले तालिमको सहजीकरण गरेको आयोजकले जनाए।उक्त संस्थाले समाजिक रुपान्तरण र गरिब दलितलाई आर्थिक स्तर उकास्न प्रत्यक्ष रूपमा समाज संग जोडिएर कार्य गर्ने गरेका छन्।