काठमाडौं, २२ फागुन । होली मनाउन सडकमा निस्किएका सवारी चालकहरूलाई लक्षित गर्दै ट्राफिक प्रहरीले उपत्यकामा मात्रै ६८ ठाउँमा ‘चेक पोइन्ट’ राखेर ट्राफिक जाँचलाई कडा पारेको छ ।
यसका अतिरिक्त १९ ठाउँमा मोबाइल भ्यानले नियमित गस्ती गरिरहेको उपत्यका ट्राफिक प्रहरी कार्यालयका प्रहरी उपरीक्षक अभिनारायण काफ्लेले जानकारी दिए ।
उनका अनुसार आज उपत्यकामा युवायुवतीले होली पर्व मनाउने क्रममा मादक पदार्थ सेवन गरेर तथा ट्राफिक नियम उल्लङ्घन गरेर सवारी हाँक्नसक्ने भएकाले ट्राफिक प्रहरीले जाँचमा कडाइ गरेको हो ।
होली पर्वलाई दुर्घटनारहित, सुरक्षित र मर्यादित बनाउने उद्देश्यले उपत्यकाका सबै नाकासहित विभिन्न ठाउँमा ‘चेक पोइन्ट’ राखिएको उपत्यका ट्राफिक प्रहरी कार्यालयले जनाएको छ ।
हेर्नुहोस् ट्राफिक चेकिङका यी १३ तस्वीर–
Discussion about this post