बुटवल। रुपन्देहीको देवदह नगरपालिका- ५ एकता टोल निवासी ज्ञानबहादुर थापा मगरलाई औषधि उपचार खर्चको लागि सहयोग रकम प्रदान गरिएको छ ।
जन्म घर रुपन्देही देवदह नगरपालिका -७ शितलनगर निवासी, हाल कर्मथलो दक्षिण कोरियामा कार्यरत एवम मगर संसार फोटो ग्यालरी ग्रुप पेजका संस्थापक अध्यक्ष सामाजिक अभियन्ता अनिल लामिछाने मगरको बिशेष पहलमा संकलित रकम रु.२७,२०५/- अक्षरुपी सत्ताईस हजार दुई सय पाँच रुपैयाँ सहयोग हस्तान्तरण गर्नु भएको छ ।
पैतिस बर्षिय ज्ञानबहादुर थापा मगर बिगत केही महिना अगाडि रुखबाट लडेर सख्त घाईते भएका थिए । घाइते मगरको उपचार प्रादेशिक लुम्बिनी अस्पताल बुटवलमा भएको थियो । उपचार पश्चातपछि औषधि उपचार निरन्तर गरिरहनु पर्ने भएकोले आर्थिक समस्याले राम्रो संग औषधि उपचार गर्न समस्या परेपछि थप उपचारको लागि मगर संसार फोटो ग्यालरीका एडमिन नबिना पुन मगर र देवदहका मगर अगुवाईहरूको उपस्थितिमा सहयोग रकम संकलन गरि उक्त सहयोग रकम हस्तान्तरण गरेको हो।
अनलाईन ग्रुप मगर संसार फोटो ग्यालरीले स्थापना कालदेखि बिभिन्न रचनात्मक काम सँगै बिभिन्न अनलाईन प्रतियोगिता,भाषा क्लास, उद्वघोषक तालिम र बापा मापा तालिम गर्दै आईरहेको छ । यस मगर संसार फोटो ग्यालरीमार्फत अहिलेसम्म १२८ जना दिनदुखी, गरीब, अशक्त र निम्न बर्गीय बिरामीलाई करोडौँ रकम सहयोग गरी सकेको यस ग्रुपका सस्थापक अध्यक्ष एवम समाजसेवी र सामाजिक अभियान्ता अनिल लामिछाने मगरले जानकारी दिनुभयो ।
Discussion about this post