पत्रकार मण्डलको समाजसेवा: भुजेल परिवारको घर हस्तान्तरण सम्पन्न”

प्रदिप सिंह लहान १२ साउन । सिराहा जिल्लाको पत्रकार मण्डलको अथक प्रयासमा पछि भुजेल परिवारले नयाँ घर प्राप्त गरेको छ ।
सिराहा जिल्लाको धनगढीमाई वडा नं १२ गडमें दोभान स्थित पत्रकार विनोद कुमार मण्डलले स्थानिय करिब ७५ वर्षीय सहारा विहिन काले भुजेल र घुस्की भुजेलको घरको छानो माटोको टायल र त्रिपालले छाएको बिजोग अवस्थाको घरको तस्बिर सामाजिक सञ्जालमा राखेर “घर निर्माण अभियान ” थालेपछि उक्त पोस्ट देखेर सहयोगी हातहरूबाट प्राप्त करिब ४६ हजार ५ सय ५ रुपैयाँबाट घर निर्माण सम्पन्न भएपछि धनगढीमाई नगरपालिकाका नगरप्रमुख शिवशंकर महतोको प्रमुख आथित्य र वडा अध्यक्ष जय प्रकाश शर्माको अध्यक्षतामा स्थानिय समाजसेवी , बुद्धिजीवी लगायतको उपस्थितिमा विधिपूर्वक पण्डितबाट मन्त्रोच्चारण सहित पूजापाठ गरी मेयर महतोले भुजेल परिवारलाई घर हस्तान्तरण गर्दै गृह प्रवेश गराउनु भएको थियो ।
धनगढीमाई नगरपालिकाको वडा नं.१२ गडमे दोभान स्थित घुस्की भुजेल र काले भुजेल परिवारलाई स्थानीय पत्रकार बिनाेद मण्डलकाे अथक प्रयासमा बनाईएकाे घर हस्तान्तरण कार्यक्रममा बोल्दै मेयर महतोले घरमा कीचेनको लागि आफूले २० हजार रकम उपलब्ध गराउने भन्नु हुंदै पत्रकार मण्डलले पछिल्लो समय नगरको एतिहासिक किताब लेखेको गाउँ टोलको समस्याहरू उठाई रहेको भन्दै पत्रकार मण्डललाई बधाई तथा शुभकामना दिनु भएको छ ।
घर पाए पछि भुजेल परिवारले स्थानीय पत्रकार मण्डल र सहयोगी सबैप्रति आभार व्यक्त गर्दै सुस्वास्थ्यको कामना गर्नु भएको छ ।
दिउसो करिब ५ बजेको समयमा आयोजित औपचारिक कार्यक्रमका बीच घर हस्तान्तरण गरिएको थियो । करिब ११ दिनमा निर्माण सम्पन्न भएको उक्त घर निर्माण भएपछि पत्रकार मण्डलको चौतर्फी चर्चा भइरहेको छ।घरको हालत देखेर पत्रकार मण्डल ढुङ्गा , बास अर्थात् आवस्यक घर निर्माणको सामाग्री बोक्दै आएका थिए। स्मरण रहोस् भुजेल दम्पती निःसन्तान हुनुहुन्छ ।