द्वन्द्व पीडितलाई परिबारीक सम्बन्ध सुम्धुरका लागी तालीम

ईन्टरनेशनल अलर्टको आर्थिक सहयोगमा समग्र जन उत्थान केन्द्रको न्यायमा पहुँच सबलिकारण कार्यक्रम अन्तर्गत सिरहाको लहानमा द्वन्द्व प्रभावित र द्वन्द्व पीडितलाई न्यायका लागी विभिन्न कार्यक्रम संचालन गर्दै आएका छन्।
एक औंपचारीक कार्यक्रमको आयोजना गरी सिरहाको लहान नगरपालिका १४ बस्तीपुर माध्यमिक बिधालयको सभाहलमा द्वन्द्व पीडित प्रभावित परिवारहरुलाई १८ दिने परिवार केन्द्रित शैलीमा अधारीत कार्यक्रम अर्थात तालीम संचालन गरेका छन्।
न्यायका लागी नागरिक संजालका अध्यक्ष सुधा यादवको अध्यक्षतामा सुरु भएको कार्यक्रमको प्रमुख अतिथि वाडा अध्यक्ष धनिकलाल यादव रहनु भएको थियो भने बिशिस्ट अतिथिमा बस्तीपुर माध्यमिक बिधालयका नवनियुक्त प्राध्यान अध्यापक रामजी साह रहनु भएको थियो।
तालीममा करिब १ दर्जन द्वन्द्व पीडित महिलाहरुको सहभागिता रहेको समाजिक परिचालक नितु बछार ले जानकारी दिनु भयो। संकटकालमा परिवार गुमाएका र द्वन्द्व प्रभावमा मानसिक तनावमा जिबन बिताई रहेका परिवारलाई लक्षित गरी परिवार शैली केन्द्रित कार्यक्रम संचालन गरेका छन्।
द्वन्द्व पीडित परिवारका फरक फरक परिवारका सदस्य संग तालीम दिने गरेको छ्।तालीमको समापनमा सम्पुर्ण सहभागीलाई एक ठाँउमा राखेर सहजीकरण गरेर एक आपसमा गहिरो सम्बन्धको स्थापनाका परिकल्पना संगै सहज जिबन निर्वाह गर्न सुभ कामना दिने बताए।
प्रमुख अतिथि यादवले देशको अवस्था र ब्यवस्था परिवर्तनमा द्वन्द्व परिवारको सदस्यको भुमिका अहम् रहेको भन्दै देश परिवर्तनको लडाईमा बिद्रोहमा ज्यान गुमाएका परिवारको बेतिथीलाई सहज रूपमा तालिमको सिकाईको आधार मान्दै दैनिक जिबन निर्वाह गर्न आग्रह गर्दै बधाई दिएका थिए।
अध्यक्ष सुधा यादवका अनुसार तालीमको सिकाई परिवारीक जिबनमा उतारेर सहज जिबन निर्वाह गर्न भन्दै उद्घाटन कार्यक्रमको समापन गर्दै तालीम सुरु गर्न अनुमति दिएका थिए।