बिराटनगर : प्रहरीमा जागिर लगाई दिन्छु भनि ठगी गर्ने १ जनालाई पक्राउ गरिएको छ । पक्राउ पर्नेमा जिल्ला मोरङ कटहरी गाउँपालिका वडा नं.३ बस्ने ४५ बर्षिय पन्चु पासवान रहेका छन्।
पासवानले कटहरी गाउँपालिका वडा नं. ५ बस्ने सम्पतलाल झागडको छोरा राज कुमार उराँवलाई नेपाल प्रहरीको कार्यालय सहयोगी पदमा जागिर लगाई दिन्छु भनि रूपैया ३ लाख ३० हजार नगद लिई ठगी गरेको आरोपमा पक्राउ गरिएको मोरङ प्रहरीका प्रवक्ता डिएसपी ज्ञानेन्द्रबहादुर बस्नेत जानकारी दिए।
ठगी कसूरमा जिल्ला प्रहरी कार्यालय मोरङबाट खटिएको प्रहरी टोलीले पक्राउ गरी जिल्ला अदालतबाट दिन ५ (पाँच) म्याद थप गरी थप अनुसन्धान गरिरहेको प्रहरीले जनाएको छ।
यसैगरी फरार प्रतिबादीहरुको खोजी तथा पक्राउ अभियान अन्तर्गत मोरङ जिल्ला अदालतको विभिन्न मितिको फैसलाले कुटपिट, जुवा, गाली वेईज्जती, जवरजस्ती करणी, अपमान बेईजती, लगायतका कसूरहरूमा दोषी ठहर भई फरार रहेका २२ जना प्रतिवादीहरूलाई ईलाका प्रहरी कार्यालय बेलबारीले पक्राउ गरेको छ। पक्राउ परेका सबैलाई अदालतमा पेश गरिएको प्रहरीले जनाएको छ।
Discussion about this post