महेश सिंह सिरहा लहान ६ मंसिर – महिला अधिकारको क्षेत्रमा बिगत ३० बर्ष देखि हिंसा प्रभावित महिलाहरुको न्यायमा पहुँचको लागी निरन्तर रूपमा कार्य गर्दै आएको महिला पुनर्स्थापना केन्द्र लहानले पछिल्लो समय समाजरुपान्तरणको लागी विभिन्न जनचेतना मुलक कार्यक्रमहरु गर्दै आएका छन्।
लहान नगरपालिकाको ४ जना हिंसा प्रभावित महिलाहरुलाई आर्थिक स्तर उन्नतिको लागी नगद रु. २०००/ बिस हजार प्रति ब्यक्तीलाई हस्तान्तरण गरेको ओरेक नेपालका संयोजक अनिता चौधरीले जानकारी दिनुभयो। महिला अधिकार प्रति समर्पित एवम् लैगिक समानता र सामाजिक न्यायका लागी संघर्षरत राष्ट्रिय गैर सरकारी संस्था हो।
जोखिममा रहेका समुदायको आर्थिक सामाजिक तथा सांस्कृतिक अधिकारको प्रवर्धन तथा पैरवी गर्दै आईरहेको छ।महिलाको दिगो जिविकोपार्जन तथा सम्मानित जिवनको लागी शारिरिक,मानसिक यौन तथा प्रजनन स्वास्थ्य,खाद्य अधिकार,गतिशिलता तथा कामको अधिकारको शुनिश्तिताको लागी कार्यक्रमहरु संचालन गर्दै आएका छन्।
स्थानिय सरकार संग सहकार्य गर्दै नेपालको १९ वटा जिल्लामा निरन्तर अभियानात्मक कार्यक्रमहरु
संचालन भै रहेका छन्,यस अभियानामा ओरेकमा १३५ जना कर्मचारीहरु कार्यरत रहेका छन् भने ओरेकले पांच वटा मुद्दामा कार्य गर्दै आएको हो।
पर्यावरणीय न्याय र महिलाको नेतृत्व,मानव अधिकार र समाजिक न्याय,सिकाई तथा ज्ञान व्यवस्थापन,गुणस्तरिय सेवा अनुगमन तथा मुल्यांकन लगायतका क्षेत्रमा काम गर्दै आएको ओरेक नेपालका आजिवन सदस्य रिता महतोले जनाए।
ओरेकले एक कार्यक्रमको आयोजना गरी लहान नगरपालिकाको न्यायीक समितिका संयोजक राम चलितर महतोलाई मुद्दा र संजालहरुको नामावली सहितको कागज प्रत्रहरु हस्तान्तरण गरेको संयोजक अनिता चौधरीले जनाए।
Discussion about this post