मुक्ति नेपालद्वारा ६१औं राष्ट्रिय बाल दिवस, हाजिरी जवाफ प्रतियोगिता मनायो

महेश सिंह सिरहा-बालबालिकामा लगानी : सुनिश्चित भविष्यको थालनी” भन्ने नारासहित ६१औं राष्ट्रिय बाल दिवस गोलबजारमा विविध कार्यक्रमसहित सम्पन्न भएको छ।
गोलबजार ३ जम्दहस्थित श्री सरस्वती माध्यमिक विद्यालयमा मंगलबार मुक्ति नेपाल गोलबजारको आयोजनामा हाजिरी जवाफ प्रतियोगिता सम्पन्न गरिएको हो। कार्यक्रममा विद्यार्थीहरूले राष्ट्रिय बाल दिवसको महत्वबारे प्रस्तुतिका साथै बाल अधिकार र सशक्तिकरणबारे चर्चा गरेका थिए।
विद्यालयका शिक्षक–शिक्षिका, अभिभावक तथा स्थानीय समाजसेवीहरूको उपस्थिति रहेको कार्यक्रममा सहभागी विद्यार्थीलाई पुरस्कार वितरण गरिएको आयोजक संस्थाले जनाएको छ।
स्थानीय सरस्वती माध्यमिक विद्यालयका प्र.अ., शिक्षक तथा अतिथिहरूले बालबालिकाको सशक्तिकरणका लागि निरन्तर लगानी आवश्यक रहेको उल्लेख गर्दै बालबालिकामै राष्ट्रको उज्ज्वल भविष्य निहित रहेको धारणा राखेका थिए।