– सिरहाको लहानमा हिंसा न्यूनीकरण गर्न पत्रकारहरुसंग एक दिने अन्तरक्रिया कार्यक्रम सम्पन्न भएको छ्।महिला पुर्नस्थापना केन्द्र (ओरेक) मुक्ति नेपाल गोलबजार र महिला मानव अधिकार रक्षक संजाल सिरहाको आयोजना र नेपाल पत्रकार महासंघ सिरहाको समन्वयमा महिला हिंसा न्युनिकरणमा संचारकर्मी तथा महिला अधिकारकर्मीको भूमिका विषयक संवाद तथा तिहार छठपर्वको शुभकामना कार्यक्रम सम्पन्न भएको छ।
लहान नगरपालिका वडा नं ८ स्थित संवाद समूहको कार्यालयमा भएको कार्यक्रममा जिल्लाका संचारकर्मी, महिला मानव अधिकारकर्मी,संघ संस्थाका प्रतिनिधि लगायत ३१ जनाको उपस्थिति रहेको कार्यक्रमको सहजीकरण ओरेकका कार्यक्रम तथा संचार अधिकृत अनिता चौधरीले गर्न भएको थियो।
कार्यक्रमको उदेश्य माथि प्रकाश पार्दै महिला मानव अधिकार रक्षकहरुको राष्ट्रिय संजालका अध्यक्ष श्याम कुमारी साहले पार्नु भएको थियो भने जिल्लामा महिला मानव अधिकार रक्षकहरुको अवस्था र काम गर्दा आउने चुनौतीबारे जिल्ला अध्यक्ष रेणु कर्णले बताए।
कार्यक्रममा महिला मानव अधिकारकर्मी र संचारकर्मीहरुबीचको समन्वयमा महिला हिंसा न्युनिकरणमा सहज हुने तर्क नेपाल पत्रकार महासंघ सिरहाको अध्यक्ष मनोज बनैताको उपस्थिति रहेको थियोे।
Discussion about this post