वडा अध्यक्ष सुनितले दिइलायो भारतीयलाई नागरिकता

महेश सिंह लहान सिरहा – सप्तरीको बोदे बरसाईन नगरपालिका–१० खडकपुरका वडाध्यक्ष सुनित कुमार यादवले भारतीय नागरिकलाई नेपाली नागरिकताको सिफारिस गरेको विषय सार्वजनिक भएको छ।

प्राप्त जानकारीअनुसार भारतको बिहार राज्य अन्तर्गत मधुवनी जिल्लाका बासिन्दा रामपुकार साहलाई नेपाली नागरिकता प्राप्त गर्न वडा कार्यालयबाट सिफारिस गरिएको थियो। उक्त वडाका सिफारिसका आधारमा ईलाका प्रशासन कार्यालय बोदेबरसाईन सप्तरीका कार्यालय प्रमुख संजय कुमार रामले उनलाई नेपाली नागरिकता जारी गरेको थियो ।

घटनाबारे प्रतिक्रिया दिँदै वडाध्यक्ष यादवले आफूलाई गलत विवरण प्रस्तुत गरी झुक्याएर सिफारिस गराइएको स्वीकार गरेका छन्। उनले आवश्यक कागजात तथा विवरणका आधारमा सिफारिस गरिएको भए पनि पछि सम्बन्धित व्यक्ति भारतीय नागरिक रहेको जानकारी प्राप्त भएको बताएका छन्।

भारतीय नागरिक राम पुकार साहको ना.प्रा.नं. १६-०६-७८-०१७१९ कायम गरि २०७८ असोज १२ नेपाली नागरिकता जारी गरेको पाइएको छ ।

रूपलाल साहु तेली सुजान देवी तेलिनको छोरा बनेर भारतीय नागरिक रामपुकारले नागरिकता लिइएको छ ।

स्थानीय विश्वस्त श्रोतका अनुसार आर्थिक चलखेल गरि भारतीय नागरिकलाई वडा अध्यक्ष यादवले नागरिकता दिइएको बताए ।