महेश सिंह सिरहा लहान – समग्र जनउत्थान केन्द्र लहान र लहान नगरपालिकाको सहकार्यमा गरिब, दलित, र अपाङ्ग व्यक्तिहरूलाई आत्मनिर्भर बनाउन बीउ पूँजी वितरण गरिएको छ। परियोजना अधिकृत राम कृपया साहका अनुसार यो कार्यक्रमले लक्षित वर्गको जीवनस्तर उकास्न महत्वपूर्ण योगदान पुर्याउने विश्वास लिएको छ।
नगर प्रमुख महेश प्रसाद चौधरीले सिलाई मेसिन वितरण गर्दै समग्र जनउत्थान केन्द्रको यो पहललाई अत्यन्तै सराहनीय भन्दै गरिबहरूको आयआर्जनको आवश्यकता पूर्तिमा केन्द्रित रहेको बताए।
कार्यक्रममा लहान–२४ की गिता देवी ठाकुर, लहान–१४ की हिरा देवी यादव, र लहान–२० की निर्मला साहलाई सिलाई कटाई मेसिन वितरण गरिएको समाजिक परिचालक नितु बछारले जानकारी दिइन्।
कार्यक्रममा समग्र जनउत्थान केन्द्रकी उपाध्यक्ष अनिता चौधरी, महिला अधिकारकर्मी रिता महतो, लहान–२४ का वडाध्यक्ष रासलाल राय, गणेश चौधरीलगायतको उपस्थिति रहेको थियो।
आयोजकका अनुसार सशक्तीकरण कार्यक्रम मधेस प्रदेशका छवटा पालिकामा सञ्चालन भइरहेको छ। जिविकोपार्जनका लागि १० जनालाई सिलाई मेसिन वितरण गरिएको र आगामी दिनमा यस्ता कार्यक्रमलाई थप प्रभावकारी बनाइने योजना रहेको आयोजकले जनाएको छ।
Discussion about this post