कप्तान पूजा महतोको शतकसँगै नेपालको कुवेतमाथि १६५ रनको शानदार जित

नेपालकी कप्तान पूजा महतोको ऐतिहासिक शतक र उत्कृष्ट बलिङ प्रदर्शनको सहारामा नेपालले आईसीसी अन्डर–१९ महिला टी–२० विश्वकप एशिया छनोटमा कुवेतलाई १६५ रनको फराकिलो अन्तरले हराएको छ। यूएईको सेभेन्स स्टेडियममा भएको खेलमा टस जितेर पहिले ब्याटिङ गरेको नेपालले २० ओभरमा २ विकेट गुमाउँदै २१३ रन बनायो। कप्तान महतोले ६९ बलमा १३० रन बनाएर नटआउट रहँदै अन्तर्राष्ट्रिय शतक बनाउने पहिलो नेपाली खेलाडी बनिन्।
कुवेतलाई २१४ रनको लक्ष्य दिएको नेपालले कुवेतलाई मात्र ४८ रनमै अलआउट गर्दै सहज जित निकालेको हो। महतोले ५ विकेट लिइन् भने रचना चौधरी र सिमाना केसीले २/२ विकेट लिए। यसअघि नेपालले थाइल्यान्डलाई दुई खेलमा पराजित गरेको थियो भने यूएईसँग मात्र एक खेलमा पराजित भएको थियो।
प्रतियोगितामा नेपाल, यूएई, कुवेत र थाइल्यान्ड सहभागी छन्, जहाँ शीर्ष स्थान हासिल गर्ने टोली अर्को वर्ष मलेसियामा हुने टी–२० विश्वकपका लागि छनोट हुनेछ।