सिरहामा मुसहर समुदायलाई जाडोबाट बचाउन रोटरी क्लब अफ लहानद्वारा फाइबर सिरक वितरण

सिरहाको लहान नगर पालिका २० हरिनगरा र सखुवानान्कारकट्टी ३ माधोपुरमा रोटरी क्लब अफ लहानले मुसहर समुदायलाई लक्षित गर्दै २ सय घरधुरीलाई जाडोबाट बचाउन फाइबर सिरक वितरण गरेको छ। यस अभियानको आर्थिक सहयोग दि नेपाल डिषटलरिज प्राइभेट कम्पनी लिमिटेडले र स्थानीय सरकारको समन्वयमा कार्यक्रमको सञ्चालन भएको हो।

रोटरी क्लब अफ लहानका अध्यक्ष अभिषेक रोसनका अनुसार, “यो कार्यक्रमको मुख्य उद्देश्य जाडोको मौसममा मुसहर समुदायलाई राहत पुर्याउनु हो। हामीलाई गर्व छ कि यस पहलले समुदायको जीवनस्तरमा सुधार ल्याएको छ र ठूलो सकारात्मक प्रभाव परेको छ।” उनले भने, “समुदायका ३ सय घरधुरीलाई जाडोको कठिनाइबाट जोगाउने प्रयास गरिएको हो।”

यस वर्षको सिरक वितरणको योजना विशेषगरी लहान २० का अध्यक्ष गणेश चौधरीको पहलमा हरिनगरा र सखुवानान्कारकट्टी ३ मा सुनिल चौधरीको नेतृत्वमा सम्पन्न भएको हो। सखुवानान्कारकट्टी ३ का वाडा अध्यक्ष भोगेन्द्र यादवको सक्रियतामा पनि सिरक वितरण गरिएको थियो।

रोटरी क्लब अफ लहानका महासचिव गोपाल गुप्ता रौनियारका अनुसार, “अघिल्लो वर्ष पनि सिरहाका विभिन्न स्थानहरूमा सिरक वितरण गरिएको थियो, र यो अभियान निरन्तरता पाएको छ। यस वर्ष हामीले विशेष रूपमा अति आवश्यक क्षेत्रमा केन्द्रित भइ कार्यक्रम सम्पन्न गरेका छौँ।”

सिरक वितरण कार्यक्रममा स्थानीय बासिन्दाले रोटरी क्लब अफ लहान र सहयोगी संस्थाहरूको पहलको सराहना गरेका छन्। स्थानीय बासिन्दा सरोज यादवले भने, “यो कार्यक्रमले हामीलाई जाडोको कठिनाईबाट मुक्त गरिदिएको छ। अब हामीसँग बाँच्नका लागि सहज अवस्था छ।”

यस पहलबाट मुसहर समुदायका परिवारहरूले जाडोको समयमा राहत महशुस गरेका छन् र यस प्रकारका सहयोगले उनीहरूको जीवनमा सकारात्मक परिवर्तन ल्याउन मद्दत पुर्याउने आशा गरिएको छ। सामाजिक संस्थाका सदस्यहरूले पनि यस्ता कार्यक्रमहरूको महत्त्वको बारेमा विचार राखेका छन्।

समाजिक उत्तरदायित्व र स्थानीय सरकारसँगको समन्वयले गर्दा यो कार्यक्रम सफल भएको र भविष्यमा पनि यस्ता कार्यक्रमहरू सञ्चालन गर्ने योजना रहेको रोटरी क्लब अफ लहानले जनाएको छ। रोटरी क्लबका सदस्यहरूले अघिल्लो वर्षको अनुभवलाई ध्यानमा राख्दै थप समुदायहरूलाई सेवा पुर्याउने लक्ष्य राखेका छन्।

यस कार्यक्रमले जाडोबाट राहत मात्र दिएका छैन, तर यसले समुदायमा आपसी सहकार्य र सामूहिक जिम्मेवारीको भावना पनि उत्पन्न गरेको र लामो समयसम्म सकारात्मक प्रभाव छोड्ने विश्वास व्यक्त गरिएको छ।

कार्यक्रमको उपस्थिति र सहकार्यमा मधेस प्रदेशका पूर्व माननीय अशोक कुमार यादव र सखुवानान्कारकट्टी गाउँपालिका अध्यक्ष केदारनाथ यादवको प्रमुख भूमिका रहेको थियो। यसैगरी, लहान २० हरिनगरा क्षेत्रका कार्यक्रम प्रमुख अतिथि गणेश चौधरी रहनु भएको थियो।