कुशवाहा समाजका लागि दिपेन्द्र सिंहद्वारा ५० हजारको फोटोकपी मेसिन सहयोग

शीर्षक: मनकारी युवा दिपेन्द्र कुमार सिंहद्वारा कुशवाहा समाजका लागि ५० हजार बराबरको फोटोकपी मेसिन सहयोग

सिरहा — नेपाल कुशवाहा कल्याण समाजका सिरहा जिल्ला अध्यक्ष धनपती महतोलाई मनकारी युवा दिपेन्द्र कुमार सिंहले करिब ५० हजार रुपैयाँ बराबरको फोटोकपी मेसिन हस्तान्तरण गरेका छन्। सिरहा जिल्लाको लहानस्थित CSE कम्प्युटर लिङ्क अफिसमा आयोजित एक अनौपचारिक कार्यक्रममा अध्यक्ष महतोलाई उक्त मेसिन हस्तान्तरण गरिएको थियो। यस अवसरमा समाजसेवी कपिलदेव महतो, सेवा निवृत्त कृषि अधिकृत राम नारायण महतो, जिल्ला सदस्य दुर्गा प्रसाद महतो, इन्जिनियर बिजय सिंह, लहान–३ मा रहेको हिमालय डेन्टल क्लिनिकका सञ्चालक प्रदीप नारायण महतो, कपिल देव महतो, हेमन्त सिंह, र नेपाल बीबीसी अनलाइनका पत्रकार महेश सिंहको विशेष उपस्थितिमा कार्यक्रम सम्पन्न भएको थियो।
सिंहले कुशवाहा समुदायको आधिकारिक कामकाजमा सहजीकरण गर्ने उद्देश्यले मेसिनको सहयोग गरेका हुन्। उनले कुशवाहा समुदायको हित र उत्थानमा निरन्तर सक्रियता देखाएका छन्। लामो समयदेखि लहानमा CSE कम्प्युटर कलेज सञ्चालन गर्दै आएका सिंह CAN का संस्थापक हुन् र समाजसेवामा उनले लगातार योगदान गर्दै आएका छन्।

कार्यक्रमका क्रममा सिंहले समुदायमा देखिएका आन्तरिक मतभेदहरू समाधान गर्न विचार राखेका थिए। समाजसेवी हेमन्त महतोका अनुसार, सिंहले सधैं समुदायप्रति सकारात्मक दृष्टिकोण राख्दै काम गर्दै आएका छन्।