महेश सिंह लहान सिरहा- नेपाली कांग्रेसको आगामी १५औँ महाधिवेशनका लागि पार्टीभित्र चुनावी हलचल तीव्र बनेको छ। यसै क्रममा सिराहा क्षेत्र नं. १ का प्रभावशाली नेता परमेश्वर शाहले केन्द्रीय सदस्य पदमा उम्मेदवारी दिने घोषणा गर्नुभएको छ। शाहले मधेशी क्लस्टर (समुदाय) तर्फबाट केन्द्रीय सदस्यमा प्रतिस्पर्धा गर्न लाग्नुभएको हो।
“नेपालीको रातभर, परिवर्तनको सन्देश, समृद्ध नेपालका लागि महाधिवेशन” भन्ने मूल नारा र भावनालाई आत्मसात् गर्दै उनले आफ्नो उम्मेदवारी अघि सारेका हुन्। पार्टीभित्र आन्तरिक लोकतन्त्र, समावेशिता र अन्तर-जातीय सद्भावलाई मजबुत बनाउँदै सिराहा क्षेत्र नं. १ लगायत समग्र मधेस प्रदेशको मुद्दालाई केन्द्रीय तहमा सशक्तरूपमा उठाउने शाहको प्रतिबद्धता रहेको छ।
लामो समयदेखि पार्टी सङ्गठन निर्माण, लोकतान्त्रिक आन्दोलन र मधेसका जनजीविकाका सवालमा क्रियाशील रहँदै आएका शाहले १५औँ महाधिवेशनमार्फत कांग्रेसलाई अझ बलियो, समावेशी र जनमुखी बनाउन आफ्नो उम्मेदवारी आवश्यक रहेको बताएका छन्।
पार्टीभित्र शीर्ष नेतृत्व तथा युवा पुस्ता दुवैको साथ र समर्थन रहेको दाबी गर्दै शाहले आगामी महाधिवेशनमा सम्पूर्ण प्रतिनिधि तथा महाधिवेशन प्रतिनिधिहरूलाई आफूलाई अमूल्य मत दिएर विजयी गराउन अपिल गर्नुभएको छ।
Discussion about this post