महेश सिंह,लहान सिरहा- सिरहाको लहान नगरपालिका–७ मा सञ्चालित एभरेस्ट डिजिटलले दसैँ, दीपावली तथा छठ पर्वको अवसरमा ग्राहकलाई लक्षित गरी विभिन्न छुट तथा आकर्षक उपहार योजना ल्याएको छ।
चाडपर्वका बेला ग्राहकलाई विशेष सुविधा प्रदान गर्ने उद्देश्यले सञ्चालन गरिएको ‘लक्की ड्र’ कुपन योजनाअन्तर्गत विद्युतीय स्कुटर, स्मार्ट घडी, इयरबड्सलगायतका उपहार राखिएको सञ्चालक धन्नजय गुप्ताले जानकारी दिनुभयो।
उहाँका अनुसार निश्चित रकमको खरिदमा ग्राहकले लक्की ड्र कुपन प्राप्त गर्न सक्नेछन्। योजनामा दैनिक उपहारका रूपमा टेलिभिजन, फ्रिज, मिक्सरलगायतका विद्युतीय तथा घरायसी सामग्रीसमेत समावेश गरिएको छ।
लहान बजारमा विद्युतीय सामग्री बिक्री गर्ने स्थापित व्यवसायका रूपमा रहेको एभरेस्ट डिजिटलले मोबाइल, ल्यापटप, विभिन्न विद्युतीय उपकरण तथा घरायसी सामग्री बिक्री गर्दै आएको छ। थोक बिक्रीसमेत गर्दै आएको उक्त पसलमा विभिन्न सामग्री विशेष छुटमा उपलब्ध रहेको सञ्चालकले बताउनुभयो।
पसलका मुख्य सञ्चालक समाजसेवी विजय गुप्ता हुनुहुन्छ। ग्राहकको आवश्यकता र सुविधालाई प्राथमिकता दिँदै गुणस्तरीय सामग्री उपलब्ध गराउने लक्ष्यसहित व्यवसाय सञ्चालन गर्दै आएको एभरेस्ट डिजिटलले चाडपर्वका अवसरमा ल्याएको योजनाले ग्राहकलाई थप आकर्षित गर्ने अपेक्षा गरेको छ।
चाडपर्वका बेला बजारमा किनमेल बढ्ने समयमा ग्राहकलाई सामग्री खरिदसँगै उपहार जित्ने अवसर प्रदान गर्ने यस योजनाले व्यवसाय र उपभोक्ताबीचको सम्बन्ध थप सुदृढ बनाउन सहयोग पुग्ने विश्वास गरिएको छ।
Discussion about this post